မြန်မာတို့ ဆုံဆည်းရာ
"မြန်မာတို့ ဆုံဆည်းရာ ဖိုရမ်"သို့ လာရောက်လည်ပတ်ပေးခြင်းကို ၀မ်းမြောက်မိပါသည်။


မြန်မာတို့ အားလုံးဆုံဆည်းနိုင်ဖို့ ဒီဖိုရမ်လေးကို ပြုလုပ်ထားရခြင်းဖြစ်ပါတယ်..
HomeSearchRegisterLog in
ကျွန်တော်တို့ ဒီဆိုက် http://mmfp.findtalk.biz ကို ၀င်ရောက်သော Guest အား နွေးထွေးစွာနဲ့ ကြိုဆိုပါတယ်ဗျာ.....

Share | 
 

 အိပ်ခွင့်ပေးပါမေမေ

View previous topic View next topic Go down 
AuthorMessage
လွမ်းဝေ


လေ့လာစလူငယ်(level 2)

လေ့လာစလူငယ်(level 2)


ကျား/မ : Male
ရေးသားချက် : 2
ဖိုရမ်ရမှတ် : 1694
ရေးသားချက်သဘောကျ ခံရမှု : 0
မှတ်ပုံတင်သောနေ့ : 2012-04-25
အသက် : 28

PostSubject: အိပ်ခွင့်ပေးပါမေမေ   Wed Apr 25, 2012 10:53 pm

အိပ်ခွင့်ပေးပါမေမေ
အချိန်တန်ရင်သူတို့တိတ်သွားကြမှာပေါ့မေမေရယ်
ခုတော့ သမီးခဏ အိပ်လိုက်ဦးမယ်


အိပ်စက်ခြင်းတွေကင်းဝေးနေတာကြာတဲ့ဘဝလေးမှာ
သမီးကနေပျော်တယ်ဆိုရင်တောင် ဘဝကခွင့်မပြုပါဘူးမေမေ
သမီးခဏတော့အိပ်မှဖြစ်မယ်

ကိုရဲ..လို့လာလာခေါ်တတ်တဲ့ခြံဝက ဝံပုလွေတွေက
အစွယ်တွေတဖွေးဖွေးနဲ့ ..တဲ့..သမီးငယ်ငယ်တည်းကကြောက်တတ်ခဲ့တာပါ
ဒါပေမယ့် ကိုရဲကိုတွေ့ရပြန်တော့လည်း ကိုရဲက
ဝံပုလွေတွေနဲ့ အလမ္ပယ်ကစားလို့…

သမီး ပညာရပ်တွေဆည်းပူးလေ့လာဖို့ကျန်သေးတယ်မေမေ
ဒီတော့ ခဏတော့ အိပ်မှဖြစ်မယ်


ဖားတွေအော်နေကြလည်း မိုးတွင်းဆိုတဲ့အသိနဲ့ မအိပ်တဲ့သူမှမရှိပဲမေမေ
နာခံတတ်ရင်တော့ ဒါဟာလည်းဂီတ တစ်မျိုးပေါ့..အနုပညာတော့ရှိရလိမ့်မယ်

ဇီးကွက်တွေ ဒီးဒုတ်တွေလိုပဲ ညညကျအစာရှာထွက် ကိုယ့်နာမည်ကိုယ်အော်တတ်တဲ့တစ္ဆေ
ပရိတ်ရည်လည်းမနိုင် ကမ္မဝါလည်းမနိုင်လေတော့
ခဏတော့ ချော့သိပ်ခိုင်းထားမှဖြစ်မယ်မေမေ
သမီးပြန်နိုးလာတဲ့အခါ အလမ္ပယ်ပညာသင်ကြားရဦးမှာ

ဝံပုလွေတွေမှာ အဆိပ်မရှိတော့ မြွေတွေလောက်အန္တရယ်မရှိဘူးလို့မထင်ပါနဲ့
သူတို့မှာ အစွယ်ဖွေးဖွေးတွေနဲ့ ခြေထောက်ကလေးချောင်းရှိတယ်
ဒါကြောင့်..မလွယ်တာတွေကိုခဏပိတ် ..သမီးအိပ်လိုက်ဦးမယ်မေမေ
အချိန်တန်ရင် အသံတွေတိတ်သွားလိမ့်မပေါ့..
ဘယ်သူ့ဘယ်သူမှ အကြာကြီး တေးသွားတစ်ခုကိုထပ်တလဲလဲမဆိုနိုင်ပါဘူးမေမေ


လရောင်တွေ ဖြာဆင်းနေပုံကတော့.. လှလိုက်တာ
အိပ်စက်ပစ်ရမှာ နှမျောစရာကြီး…မေမေ.. ဒါပေမယ့်
လရောင်ဆိုတာက ကမ္ဘာမှာအမြဲတည်နေမယ့်အရာ
တစ်နေ့တစ်ရက်တစ်မနက်ပဲ အသက်ရှင်မယ့်လိပ်ပြာလေးတစ်ကောင်မဟုတ်ဘူး
လူတကာရဲ့လက်ညှိုးနဲ့ ညှိုးရော်သွားမယ့် ပန်းကလေးလည်းမဟုတ်ဘူးမေမေ
ခေတ်အဆက်ဆက် အလင်းတွေနဲ့ဖြာဆင်းလှပနေဥိးမှာမို့
နောက်ညကျမှပဲ စောင့်ကြည့်တော့မယ်
ခုတော့ ခဏအိပ်ပါရစေမေမေ……

သီချင်းကိုလည်းပိတ်မပစ်လိုက်ပါနဲ့မေမေ
အဲဒါ John Lenon ရဲ့ Imagine ပါ..ဘယ်တော့မှမရောက်နိုင်မယ့်ကမ္ဘာလေ
အိပ်မက်တွေကိုသူက အထောက်အကူပြုလိမ့်မယ်


ဟော ..မေမေ..ခြေသံတွေကြားတယ် …သမီးအိပ်တော့မယ်မေမေ
သူတို့က အခန်း ၅၀၀ ဆီကိုဦးတည်သွားနေကြတာပါ..
အဲဒီမှာ အလင်းမပါတဲ့ အသိတရားတွေရှိတယ်
မျက်နှာဖုံးစွပ်တွေနဲ့ ဘီလူးတွေရှိတယ်
ဝန်တိုမစ္ဆိယစိတ်များနေတဲ့..ဇာတ်လိုက်ကျော်ဖြစ်ချင်သူတချို့ရှိတယ်
သေးသိမ် နုံနဲ့တဲ့ စိတ်ဓါတ်တွေနဲ့ မှောင်မိုက်နေတဲ့ အခန်းလေးပေါ့မေမေ

သူတို့ကို တားလိုက်ကြပါဥိး..ချောက်ကမ်းပါးတွေဟာလေနှင်ရာမပါတတ်တဲ့အကြောင်း
တစေ့တစောင်းတော့ သတိပေးလိုက်ချင်သား..။

ကြီးကျယ်မြင့်မြတ်တဲ့ တစ်ခန်းရပ်ဇာတ်ပြီးရင်တော့
အားလုံးးဟာကိုယ့်နေရာကိုယ်ပြန် ကိုယ့်မျက်နှာဖုံးကိုယ်ခွာကြရမှာပဲ
ခဏတာမင်းသား ဘဝ သူတို့ရကြပါစေလား…
သမီးကတော့ ခန္တီစတရားတွေကို ယဉ်ပါးအောင်သင်ယူလာခဲ့တာနှစ်တွေကြခဲ့ပြီပဲ..


မကြာပါဘူး သမီးခဏလောက်ပဲအိပ်မှာပါ…
နိုးလာရင်… ဥပက္ခာတရားတွေ ရှိရာလည်း ခရီးထွက်ရဦးမယ်
ပန်းတစ်ပွင့်ကိုမနာလိုတဲ့ငှက်တစ်ကောင်ရဲ့ အတ္တမျိူး
ဘယ်သူ့ဘယ်သူမှအကျိုးမပြုပါဘူးမေမေ…
ငှက်ကပန်းဖြစ်ချင်လို့ သူကကြွေလွင့်ခြင်းသဘောတရားတွေမှသိမထားခဲ့ပဲ
တရားနဲ့ပဲဖြေဖြေနေရတဲ့ ပြဇာတ်တွေ..ပတ်မသံတွေကဆူညံဗိန်းဗောင်းထလို့..။

ရောင်နီတွေပျို့အန်မကျလာခင် သမီးအိပ်မှဖြစ်မယ်မေမေ
အမနာပ တံတွေးစက်တွေ အကြောင်းလည်းခဏတော့မေ့ထားဦးမှဖြစ်မှာ
လေတွေသိပ်တိုက်မလာခင်ထိပေါ့..လေထန်လာရင်တော့
အရာရာဟာဖြစ်လာနိုင်ပြီး..ဖြစ်ခွင့်လည်းရှိသွားနိုင်သလို
ကြက်ခြေခတ်နီနီတွေကလည်း အရောင်စွန့်ဖြူစင်ဟန်ပြကြလိမ့်မယ်


အဲဒီရုပ်ရှင်ကားကိုတော့ပိတ်လိုက်တော့မေမေ
ဒါမှ သမီးခဏလောက် အိပ်လို့ရမှာ…
ကံဇာတ်ဆရာဆိုတာကြီးက နှုတ်ခမ်းမွေးကားကားကြီးနဲ့မဟုတ်မှန်း
ပစ်ပေါက်ထားတဲ့ဓားတွေကတော့သိပါရဲ့ ဒါပေမယ့်
သူတို့ပြန်လာသတင်းမပို့နိုင်ခဲ့ကြဘူး…………..

မကြာခင် သမီးအိပ်မက်တစ်ခုမက်လိမ့်မယ်မေမေ
အဖြူရောင်မေတ္တာတရားစစ်စစ်နဲ့ လင်းမှုန်ပြာဝေနေတဲ့ကမ္ဘာ
ခေါင်းစဉ်လှလှတပ်ထားတဲ့မျက်နှာဖုံးစွပ်စစ်ပွဲများ..ချုပ်ငြိမ်းရာ
အောက်ခြေမှတ်စုတွေမပါတဲ့ ကောင်းကင်ဘုံ..
ဗျာဒိတ်တော်တွေငြိမ်းအေးသန့်စင်နေတဲ့ည
သမီးခဏရသလို သူတို့ကိုလည်းရစေချင်လိုက်တာမေမေ


အရာရာသံသယတွေနဲ့စောင့်ကြည့်နေရ စိတ်မချရတဲ့နေ့တွေညတွေ
ဝန်တိုမစ္တိယစိတ်တွေ..အိပ်မက်ပြီးရင်ပြန်ရင်ဆိုင်ဖို့
ခွန်အားဖြည့်ဖို့ သမီးအိပ်တော့မယ်မေမေ…

ကလေးရယ်..အိပ်ပါ့ဆို..ကြောင်ကြီးရယ်ကမြီးတံတို..မှောင်မိုက်မှာခို…
သမီးမငိုတော့ပါဘူးမေမေ….
ပြန်နိုးလာတဲ့အခါ………………………………………….
……………………………………………………………………..
Back to top Go down
lkaunglay


အုပ်ချူပ်ရေးမှူး

အုပ်ချူပ်ရေးမှူး


ကျား/မ : Male
ရေးသားချက် : 82
ဖိုရမ်ရမှတ် : 2510
ရေးသားချက်သဘောကျ ခံရမှု : 19
မှတ်ပုံတင်သောနေ့ : 2010-07-07
အသက် : 25
နေထိုင်ရာနေရာ : ကျောက်မဲမြို့တော်

PostSubject: Re: အိပ်ခွင့်ပေးပါမေမေ   Fri Jul 06, 2012 3:46 pm

ကဗျာလေးက ကောင်းပါတယ်ဗျာ ဆက်လက်၍ ရေးသားပေးနိုင်ပါစေလို့ ဆုတောင်းပေးလိုက်ပါတယ် Smile
Back to top Go down
http://kyaukmethar.co.cc
 

အိပ်ခွင့်ပေးပါမေမေ

View previous topic View next topic Back to top 
Page 1 of 1

Permissions in this forum:You cannot reply to topics in this forum
မြန်မာတို့ ဆုံဆည်းရာ :: ရင်ထဲက စာပေများ :: ကဗျာကဏ္ဍ :: ဖတ်ဖူးသမျှ ကဗျာများ-
Private forum on Forumotion | © phpBB | Free forum support | Contact | Report an abuse | Free forum